ÒÁÈËÖ±²¥

Mae’r dyddiad y cafodd eich cerbyd ei adeiladu neu ei gofrestru’n gyntaf yn effeithio ar p’un a oes angen:

• cael MOT

• talu treth cerbydÌý

Cerbydau nad oes angen MOT arnynt

Nid oes angen ichi gael MOT os:

• cafodd y cerbyd ei adeiladu neu ei gofrestru’n gyntaf dros 40 mlynedd yn ôlÌýÌý

• na wnaed ‘newidiadau sylweddol’ i’r cerbyd yn ystod y 30 mlynedd diwethaf, er enghraifft disodli’r siasi, y corff, yr echelau neu’r injan i newid y ffordd y mae’r cerbyd yn gweithioÌý

Os nad ydych yn siŵr a fu unrhyw newidiadau sylweddol, gallwch:

• ddarllen y canllawiau llawn ar eithriadau MOT ar gyfer cerbydau hanesyddol

• siarad ag Ìý

Cerbydau wedi’u heithrio rhag treth cerbyd

Os adeiladwyd eich cerbyd cyn 1 Ionawr 1985, gallwch roi’r gorau i dalu treth cerbyd o 1 Ebrill 2025.

Beth sydd rhaid ichi ei wneud

Mae’n rhaid ichi wneud cais am eithriad treth cerbyd i roi’r gorau i dalu treth cerbyd. Weithiau gelwir hyn yn rhoi cerbyd yn y ‘dosbarth treth hanesyddol’.

Nid oes rhaid ichi wneud cais i roi’r gorau i gael MOT ar gyfer eich cerbyd bob blwyddyn. Fodd bynnag, mae’n rhaid ichi ei gadw mewn cyflwr sy’n addas i’r ffordd.

Gallwch wneud cais i roi’r gorau i dalu am dreth cerbyd o 1 Ebrill 2025 os adeiladwyd eich cerbyd cyn 1 Ionawr 1985. Rhaid ichi drethu eich cerbyd hyd yn oed os nad oes rhaid ichi ei thalu.

Ni fydd eich cerbyd wedi’i eithrio rhag treth cerbyd os:

• yw’n cael ei ddefnyddio ar gyfer hurio neu dâl (er enghraifft, fe’i defnyddir fel tacsi ar gyfer cwsmeriaid sy’n talu)

• yw’n cael ei ddefnyddio’n fasnachol ar gyfer masnach neu fusnes

Cysylltwch â DVLA os nad ydych yn siŵr a yw’ch cerbyd wedi’i eithrio.

Cerbydau cymwys

Gallwch wneud cais i’r cerbydau hyn gael eu heithrio:

• ceir

• faniau

• beiciau modur

• beiciau modur tair olwyn

Cerbydau mawr a bysiau

Gallwch wneud cais i’r cerbydau hyn gael eu heithrio:

• cerbydau nwyddau trwm preifat - ni ellir eu dylunio na’u haddasu ar gyfer cludo nwyddau, na chael eu defnyddio ar gyfer hyfforddiant gyrwyr

• bysiau a ddefnyddir at ddibenion gwirfoddol neu gymunedol

Cerbydau arbenigol

Gallwch hefyd wneud cais i’r cerbydau hyn gael eu heithrio:

• craeniau a phympiau symudol

• rholeri ffyrdd, tryciau gwaith a pheiriannau cloddio

• peiriannau amaethyddol a pheiriannau torri gwair

• erydr eira a pheiriannau graeanu

• cerbydau trydan

• cerbydau ager

Gwnewch gais mewn sy’n delio â threth cerbyd.

Bydd angen ichi gymryd:

• y llyfr log (V5CW) yn eich enw

• eich llythyr atgoffa treth cerbyd (V11W), os oes gennych un

• tystiolaeth o MOT cyfredol (os oes angen un ar eich cerbyd) - er enghraifft, copi o hanes MOT eich cerbyd neu eich tystysgrif MOT, os oes gennych un

• tystiolaeth os yw’ch cerbyd wedi’i eithrio rhag cael MOT (V112W)

Os ydych yng Ngogledd IwerddonÌý

Bydd angen ichi gymryd:

• tystysgrif MOT sy’n ddilys pan fydd y dreth yn dechrau

• tystysgrif yswiriant neu sicrwydd yswiriant

Beth sy’n digwydd nesaf

1. Mae Swyddfa’r Post yn anfon eich llyfr log i DVLA.

2. Bydd DVLA yn anfon llyfr log wedi’i ddiweddaru atoch.

3. Byddwch yn cael ad-daliad (os yw’n ddyledus ichi). Cysylltwch â DVLA os nad ydych wedi cael eich ad-daliad o fewn 6 wythnos o gael eich llyfr log wedi’i ddiweddaru.

Gallwch barhau i ddefnyddio’ch cerbyd tra bod eich cais yn cael ei brosesu.

Bydd DVLA yn anfon llythyr atgoffa treth cerbyd atoch cyn i’ch treth ddod i ben. Bydd angen ichi drethu eich cerbyd, ond ni fydd angen ichi dalu.