ÒÁÈËÖ±²¥

Gallwch amnewid eich:

• trwydded yrru lawn
• trwydded yrru dros dro

Mae trwydded newydd yn costio £20. Gallwch dalu gyda cherdyn debyd neu gredyd Mastercard, Visa, Electron neu Delta.

Os gwnaethoch gais am eich trwydded yrru dros dro ddiwethaf cyn 1 Mawrth 1973, bydd angen ichi ddilyn y broses i wneud cais am eich trwydded yrru dros dro gyntaf yn lle.

Nid oes angen gwrthddalen bapur eich trwydded arnoch.

Cyn ichi ddechrau

Dylech gysylltu â’r heddlu os yw’ch trwydded yrru wedi cael ei dwyn.

I amnewid eich trwydded bydd rhaid ichi:

• fod yn breswylydd ym Mhrydain Fawr (mae gwasanaeth gwahanol i gael yng )
• peidio â bod wedi’ch gwahardd rhag gyrru am unrhyw reswm

Bydd angen ichi ddarparu cyfeiriadau lle rydych wedi byw yn y 3 mlynedd diwethaf ac, os ydych yn eu gwybod, eich:

• rhif trwydded yrru
• rhif Yswiriant Gwladol
• rhif pasbort

Eich ffotograff

Os yw eich trwydded yrru yn dod i ben o fewn 2 flynedd, bydd DVLA yn rhoi’r dewis ichi ddefnyddio ffotograff newydd ar y drwydded amnewid.

Gallwch wneud un o’r canlynol:

• cadw eich ffotograff presennol
• defnyddio eich ffotograff pasbort

Gallwch ddefnyddio eich ffotograff pasbort dim ond os yw pob un o’r canlynol yn wir:

• mae eich trwydded yrru yn dod i ben o fewn 2 flynedd
• mae gennych basbort y DU dilys - bydd angen ichi ddarparu eich rhif pasbort
• rydych yn rhoi caniatâd i DVLA ddefnyddio eich ffotograff

Bydd DVLA yn rhoi gwybod ichi os oes angen ichi roi ffotograff newydd iddynt a sut i’w anfon iddynt.

Gallwch sicrhau bod y ffotograff ar eich trwydded yn cael ei ddiweddaru drwy ddefnyddio’r gwasanaeth adnewyddu ffotograff trwydded yrru.

Ar ôl ichi wneud cais

Bydd DVLA yn anfon e-bost cadarnhau atoch unwaith eich bod wedi gwneud cais. Efallai y gofynnir ichi gymryd rhan mewn ymchwil drwy e-bost, ond gallwch optio allan.

Beth i’w wneud os ydych yn dod o hyd i’ch hen drwydded yn ddiweddarach

Mae’n rhaid ichi ddychwelyd eich hen drwydded i DVLA yn esbonio beth sydd wedi digwydd os ydych yn dod o hyd iddi ar ôl gwneud cais am un amnewid neu’n derbyn un amnewid.

Anfonwch eich hen drwydded yrru i:

Gallwch hefyd wneud cais i amnewid eich trwydded dros y ffôn neu drwy’r post.

Gwneud cais dros y ffôn

Gallwch gysylltu â DVLA i wneud cais dros y ffôn os:

• oes gennych drwydded yrru cerdyn-llun

• nad oes unrhyw un o’ch manylion wedi newid

Gwneud cais drwy’r post

Ar gyfer trwydded gar neu feic modur, llenwch ffurflen D1W ‘Cais am drwydded yrru’, ar gael o’r rhan fwyaf o .

Ar gyfer trwydded yrru lori neu fws, llenwch ffurflen D2W ‘Cais am drwydded yrru lori/bws’, ar gael o’r gwasanaeth archebu ffurflenni DVLA.

Yna bydd angen ichi anfon eich cais i’r cyfeiriad ar y ffurflen ynghyd â’r ffi gywir (a ddangosir hefyd ar y ffurflen).

Os yw’ch enw wedi newid bydd hefyd angen ichi anfon dogfennau gwreiddiol yn cadarnhau hyn.

Dylai eich trwydded yrru gyrraedd o fewn 3 wythnos. Efallai y bydd yn cymryd yn hirach os bydd angen gwirio eich manylion personol neu feddygol.

Os oes gennych drwydded yrru bapur

Bydd hefyd angen ichi:

• ²¹³¾²µÃ¡³ÜÌýdogfennau gwreiddiol sy’n cadarnhau eich hunaniaeth

• cynnwys ffotograff math pasbort

• cynnwys eich trwydded yrru bapur os yw wedi’i difetha