ÒÁÈËÖ±²¥

Gallwch gofrestru fel pleidleisiwr tramor os byddwch yn symud neu’n byw dramor.

Rhaid eich bod wedi byw yn y DU yn flaenorol, a’ch bod naill ai:

• yn ddinesydd Prydeinig

• yn ddinesydd Gwyddelig cymwys sy’n cofrestru i bleidleisio yng Ngogledd Iwerddon

Mae’r rheolau’n  wahanol os byddwch dramor dros dro ar ddiwrnod yr etholiad.

Sut i gofrestru fel pleidleisiwr tramor

I bleidleisio yng Nghymru, Lloegr neu’r Alban cofrestrwch i bleidleisio yn y ffordd arferol.

I bleidleisio yng Ngogledd Iwerddon, .

Adnewyddu eich cofrestriad

Rhaid i chi adnewyddu eich cofrestriad bob tair blynedd er mwyn pleidleisio yn etholiadau’r DU pan fyddwch dramor.

Byddwch yn cael nodyn atgoffa pan fydd yn amser i chi ei adnewyddu.

Os na fyddwch yn adnewyddu eich cofrestriad, byddwch yn cael eich tynnu oddi ar y gofrestr. Bydd angen i chi gofrestru i bleidleisio eto fel pleidleisiwr tramor.

Pa etholiadau y gallwch bleidleisio ynddynt

Gallwch bleidleisio yn etholiadau Senedd y DU os ydych wedi’ch cofrestru fel pleidleisiwr tramor.

Mae’n bosibl y byddwch yn gallu pleidleisio mewn refferenda. Mae gan bob refferendwm reolau gwahanol o ran pwy all bleidleisio ynddo.

Ffyrdd y gallwch bleidleisio fel pleidleisiwr tramor

Os ydych wedi’ch cofrestru i bleidleisio yng Nghymru, Lloegr neu’r Alban, gallwch naill ai:

• bleidleisio drwy’r post
• pleidleisio drwy ddirprwy (os ydych yn gymwys)
• pleidleisio’n bersonol

Os ydych wedi’ch cofrestru i bleidleisio yng Ngogledd Iwerddon, gallwch naill ai:

• bleidleisio drwy ddirprwy (os ydych yn gymwys) - bydd angen i chi
• pleidleisio’n bersonol

Os ydych am bleidleisio’n bersonol

Gallwch bleidleisio’n bersonol yn yr orsaf bleidleisio yr oeddech yn ei defnyddio pan roeddech yn byw yn y DU. Os nad oeddech wedi’ch cofrestru i bleidleisio pan roeddech yn byw yn y DU, gallwch bleidleisio yn yr orsaf bleidleisio sy’n gymwys i’r man lle roeddech yn arfer byw.

Bydd angen i chi ddangos ID ffotograffig er mwyn cadarnhau pwy ydych chi.

Os nad ydych yn siŵr pa orsaf bleidleisio y dylech fynd iddi, cysylltwch â’r swyddfa cofrestru etholiadol ar gyfer y man lle roeddech yn arfer byw.

Mae ffyrdd gwahanol o gofrestru i bleidleisio yn etholiadau’r DU os ydych yn gweithio dramor naill ai:

• yn y lluoedd arfog
• fel un o weision y Goron neu aelod o staff y British Council

Gwasanaethu dramor yn y lluoedd arfog

Cofrestrwch i bleidleisio gan ddefnyddio gwasanaeth cofrestru’r lluoedd arfog.

Os ydych yn gwasanaethu y tu allan i’r DU, gallwch gofrestru fel pleidleisiwr ‘yn y lluoedd arfog’. Mae hyn yn golygu mai dim ond unwaith bob pum mlynedd y mae’n rhaid i chi adnewyddu eich cofrestriad.

Byddwch yn cael nodyn atgoffa pan fydd yn amser i chi ei adnewyddu.

Gweision y Goron ac aelodau o staff y British Council

Defnyddiwch y gwasanaeth cofrestru ar gyfer gweision y Goron ac aelodau o staff y British Council os ydych wedi’ch lleoli y tu allan i’r DU ac yn gweithio fel:

• un o weision y Goron (er enghraifft, gwasanaeth sifil tramor neu wasanaeth diplomyddol)
• aelod o staff y British Council

Defnyddiwch y gwasanaeth hwn i adnewyddu eich cofrestriad i bleidleisio o dramor fel pleidleisiwr tramor. Rhaid i chi adnewyddu eich cofrestriad bob tair blynedd er mwyn parhau i bleidleisio yn etholiadau’r DU pan fyddwch yn byw dramor.

Byddwch yn cael nodyn atgoffa pan fydd yn amser i chi ei adnewyddu a gallwch ddefnyddio’r gwasanaeth hwn.

Dysgwch fwy am bleidleisio os byddwch yn symud dramor neu os ydych yn byw dramor.

Os oes angen help arnoch

Cysylltwch â’ch swyddfa cofrestru etholiadol os:

• byddwch am gadarnhau pryd y bydd angen i chi adnewyddu
• byddwch am gadarnhau a ydych eisoes wedi cofrestru
• nad ydych chi am adnewyddu eich cofrestriad gan eich bod yn dychwelyd i fyw yn y DU yn barhaol
• ydych chi wedi newid eich enw ers y tro diwethaf i chi gofrestru neu adnewyddu eich cofrestriad