ÒÁÈËÖ±²¥

Mae’n rhaid i chi roi gwybod i Gyllid a Thollau EF (CThEF) ar unwaith os yw eich busnes yn stopio cyflogi pobl.

Cau eich cynllun TWE

Mae angen i chi gyflwyno cyflwyniad cyflogres terfynol – naill ai Cyflwyniad Taliadau Llawn (FPS) (yn agor tudalen Saesneg) neu Grynodeb o Daliadau’r Cyflogwr (EPS) (yn agor tudalen Saesneg). Dylech wneud y canlynol:

• didynnu a thalu unrhyw dreth ac Yswiriant Gwladol sy’n weddill i CThEF o fewn 17 diwrnod (neu 14 diwrnod os ydych yn talu gan ddefnyddio siec)
• dewis y blwch ‘Cyflwyniad terfynol oherwydd bod y cynllun wedi dod i ben’
• nodi’r dyddiad y gwnaethoch gau y cynllun TWE yn y blwch ‘Dyddiad y daeth y cynllun i ben’ – ni allwch nodi dyddiad sydd yn y dyfodol

Hefyd, mae’n rhaid i chi wneud y canlynol:

• anfon eich datganiadau treuliau a buddiannau
• nodi dyddiad gadael ar gofnod cyflogres pob cyflogai
• rhoi ffurflen P45 i’ch cyflogeion ar eu diwrnod olaf – gall y mwyafrif o raglenni meddalwedd cyflogres gynhyrchu P45 ar eich rhan, neu mae’n bosibl i chi eu harchebu gan CThEF (yn agor tudalen Saesneg)

Os oes gennych gynlluniau Gwarantau ar Sail Cyflogaeth (ERS)

Os ydych yn cau eich cynllun TWE, mae’n rhaid i chi hefyd roi gwybod i CThEF eich bod yn cau unrhyw gynlluniau ERS (yn agor tudalen Saesneg).

Os ydych yn rhoi stop dros dro ar gyflogi staff

Bydd eich cynllun TWE yn parhau i redeg os ydych yn stopio cyflogi staff am lai na blwyddyn dreth gyfan (er enghraifft, os ydych yn rhedeg busnes tymhorol). Nid oes angen i chi roi P45 i’ch cyflogeion os ydych yn eu cadw ar y gyflogres.

Os na fyddwch yn talu staff am 3 mis neu fwy, rhowch ‘Iawn’ yn y dangosydd ‘Patrwm Talu Afreolaidd’ ar yr FPS olaf cyn i chi stopio ei dalu.

Dylech gyflwyno EPS er mwyn rhoi gwybod i CThEF am unrhyw fisoedd pan nad ydych yn talu staff. Ar gyfer blychau yn y mis treth diwethaf, a’r mis treth cyfredol, nodwch y dyddiadau yn y meysydd ‘Dim taliadau’n ddyledus’. Ar gyfer blychau yn ystod y 12 mis nesaf, nodwch y dyddiadau perthnasol yn y meysydd ‘Cyfnod o anweithgarwch’.

Cyfuniadau a dilyniannau

Mae’r rheolau yn wahanol os ydych yn stopio cyflogi staff oherwydd bod eich busnes yn uno neu’n newid perchnogaeth (yn agor tudalen Saesneg).